शिवसेनेत दुभंग....!!.

 

शिवसेना हा केवळ राजकीय पक्ष नव्हे ...

तो एक विचार आहे, एक अस्मिता आहे, एक संघटना आहे आणि नेहमी अन्यायाविरूद्ध पेटून उठणारा हुंकार आहे.

         हे सगळं गुंडाळून ठेवून ज्या क्षणी उद्धवराव शरद पवारांच्या डोक्याने आणि संजय राऊतांच्या सल्ल्याने राजकारण करू लागले तसतसे वास्तवतेपासून दूर जात गेले. मी हे बोलतोय हे तुम्हाला कदाचित पटणार नाही, आवडणार नाही, समजायचे तर त्याहून दूरची गोष्ट.

तरीही एक उदाहरण देतो.

ज्या दारूविक्री विरोधात आपल्या गावातील मंडळाने आवाज उठवला, गावातील राजकारण्यांविरोधात उभे राहण्याचे धाडस केले ती वृत्ती म्हणजे खरी शिवसेना आहे आणि त्याचवेळी शेतकऱ्यांच्या हितासाठी म्हणून किराणामालाच्या दुकानात वाईन विक्रीचा निर्णय राज्यसरकार माननीय मुख्यमंत्री उद्धव ठाकरे यांच्या सहीने घेतला जात होता. या दोन्ही गोष्टीतील विसंगती दिसत नाहीये का ?

आपल्याकडे मांडायला मुद्दा नसला की भाजपवर आरोप करणे ही सोपी पळवाट असेलही कदाचित, म्हणून काही त्याच्या साहाय्याने आपला पक्ष आणि संघटना मजबूत होत नसते. याचे भान जितक्या लवकर येईल तितक्या लवकर  संघर्षातून उभ्या राहिलेल्या शिवसेनेला पुन्हा नव्याने दैदिप्यमान इतिहास घडवता येईल.

(माहीतीसाठी - या वाईन विक्रीच्या विरोधात सांगली मध्ये श्रीशिवप्रतिष्ठानच्या वतीने मोर्चा काढला गेला होता.)

सुहास पाटील 

२५/०६/२०२२